Nýtt prestagjald

Norðstreymoyar vestara prestagjald fevnir um Kvívík, Vestmanna og Kollafjørð, og Norðstreymoyar eystara prestagjald fevnir um Hvalvík, Hósvík, Haldórsvík og Tjørnuvík.

Í Norðstreymoyar vestara prestajaldi eru tveir prestar, sum búgva í Kvívík og Vestmanna.

Sóknarpresturin í Kvívík hevur kirkjubøkurnar og hendi, og er myndugleikin í sambandi við at skráseta føðingar og jarðarferðir. 

Sóknarpresturin í Vestmanna virkar hálva tíð í Vága prestagjaldi.

Í Norðstreymoyar eystara prestagjaldi hevur presturin, sum býr í Hvalvík, kirkjubøkurnar um hendi, og hevur myndugleikan at skráseta føðingar og jarðarferðir.

Jógvan Fríðriksson, biskupur, heitti fyri góðum tveimum árum síðani á landsstýriskvinnuna í mentamálum at skipa so fyri, at Norðstreymoyar prestagjald verður býtt sundur í tvey sjálvstøðug prestagjøld, og í heyst varð umbønin játtað.

Og 1. januar verður prestagjaldið formliga býtt sundur í Norðstreymoyar vestara og Norðstreymoyar eystara prestagjald.