Fleiri frídagar í 2018

Tann fyrsti januar fellur á ein mánadag, og jóladagarnir í hesum nýggja árinum koma beint eftir eitt vikuskifti.

Og soleiðis liggja flestu høgtíðirnar og heilidagarnir í 2018.

Eitt yvirlit, sum heimasíðan hjá Danmarks Radio hevur gjørt, vísir, at vanligu frídagarnir í 2018 liggja væl fyri. Skilt á tann hátt, at teir ymisku, føstu frídagarnir liggja soleiðis fyri, at løntakarar fáa frí frá arbeiði.

Og árið byrjar væl, tí 1. januar, sum er frídagur hjá teimum flestu, fellur á ein mánadag.

Restin av árinum sær soleiðis út:

1. mai: Arbeiðaradagur - týsdagur

5. juni: Grundlógardagur - týsdagur

21. mai: Hvítusunnudagur - mánadagur

24. desember: Jólaaftan - mánadagur

25. desember: 1. jóladagur - týsdagur

26. desember: 2. jóladagur - mikudagur

Ólavsøkuaftan og ólavsøkudagur fella í ár á ein leygardag og sunnudag.

Páskirnar eru sum altíð frá hósdegi til mánadag. Dýri Biðidagur er sum vanligt ein fríggjadag, og síðani er Kristi Himmalsferðardagur ein hósdag, sum hann altíð er.