Yvir 4000 harur skotnar í 2017

Nýggjastu hagtølini um haruveiði í Føroyum vísa, at í fjør vórðu 4.234 harur skotnar á 486 túrum. 

Tað gevur níggju harur í meðal hvønn túr.

Eyðfinn Magnussen, lektari í lívfrøði á Fróðskaparsetrinum, hevur skrásett hagtølini um haruveiðina.

Tølini fyri í fjør skulu takast við fyrivarni, tí ikki øll tøl eru komin inn enn. 

Eyðfinn Magnussen væntar, at samlaða talið á skotnum harum fer at nærkast 5.000, tá alt er skrásett.

2016 var eitt vánaligt ár til haruveiði. Tá vórðu skotnar 2.950 harur. Í 2014 vórðu yvir 9.000 harur skotnar.

Haruskjúttarnir í Skálatoftahaga eystanfyri á Borðoynni fingu flestar harur í fjør, tilsamans 280 harur á sjey túrum. 

Á øðrum plássi vóru skjúttarnir í Neshaga í Vestmanna, og trið-flestar harur fingu tey í Norðurtriðingi/Uttanfyri Ánna í Sørvági.