Studni skal hava leiðara 1.mars

Mentamálaráðið søkir eftir leiðara til Studna.

Studni verður við í undirvísingarstýrinum, ætlanin er at skipa í Mentamálaráðnum.

Terji á Lakjuni, sum var stjóri í Studna í nógv ár, gavst í fjør summar.

Tá gjørdi Mentamálaráðið av, at leiðslan hjá Studna fyribils varð løgd til Stýrisdeildina í Mentamálaráðnum.

Og stýrisdeildin setti Mortan Zachariassen, fulltrúa í Stýrisdeildini, sum fyribilsstjóra, meðan arbeitt verður við ætlaðu bygnaðarbroytingunum.

Fýra í stýrinum

Studni, Yrkisdepilin, Musikkskúlin og Próvstovan vera í Undirvísingarstýrinum.

Í næstum verður søkt eftir stjóra til Undirvísingarstýrið.

Studni letur studning og lán til 8.000 fólk í útbúgving og umsitur 145 mió. kr. um árið.

Freistin at søkja leiðarastarvið í Studna er til 5.februar. Starvið verður sett 1.mars. 

Seks fólk arbeiða í Studna.