Tryggja seg so tey sleppa uttan um bíðirøðina

Tryggja seg so tey sleppa uttan um bíðirøðina
Yvir 1000 viðgerðartryggingar teknaðar í Føroyum
Við viðgerðartrygd slepst undan biðirøðunum á sjúkrahúsunum.
 
02.02.2018 - 12:54

Minst 1000 føroyingar hava viðgerðartrygging.

Betri pensjón hevur teknað 850 viðgerðartryggingar.

Og Trygd upplýsir, at tey hava skrásett viðgerðartrygging hjá 26 privatum viðskiftafólkum.

Men í hvørjari trygging kunnu vera fleiri fólk, makin og børnini hjá tí, sum teknar tryggingina. So tryggjaðu fólkini eru fleiri enn 26. 

Trygd vísir á, at fyritøkur, fakfeløg og onnur kunnu bólkatryggja teirra starvsfólk og limir. 

Fyritøkur tryggja síni fólk

Trygd hevur skrásett viðgerðartrygging hjá tíggju vinnukundum, sum hava 98 tryggjað fólk. 

Nógvir føroyingar tekna sær viðgerðartrygging fyri at sleppa uttan um bíðirøðina á sjúkrahúsunum.

Trivnaðarnevndin hjá løgtinginum viðger í løtuni uppskotið hjá Kaj Leo Holm Johannesen um viðgerðartrygd til allar føroyingar í føroyska sjúkrahúsverkinum.

Í tí sambandi hevur nevndin spurt Lív, Betri trygging og Trygd, hvussu nógv viðskiftafólk hjá teimum hava teknað privata sjúkratrygging ella viðgerðartrygging.

Svarið hjá Lív er ikki komið á heimasíðuna hjá løgtinginum.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592