Beinleiðis: Heindrikur prinsur kórsettur

Umleið 60 fólk fara at fylgja, familja og umboð fyri almenna Danmark, teirra millum Lars Løkke Rasmussen, forsætisráðharri, og Pia Kjærsgaard, forkvinna í fólkatinginum.

Erik Normann Svensen, prestur hjá kongshúsinum, talar við jarðarferðina.

Hann kastar jørð á, og síðani verður kistan borin út.

Heindrikur prinsur vildi sjálvur, at líkið av sær verður brent.

Helvtin av øskuni verður stroydd í havið, og helvtin verður latin í eina urnu, sum verður sett í garðin á slottinum í Fredensborg.

Seinastu dagarnar hevur almenningurin havt møguleika at síggja kistuna við Heindriki prinsi í slotskirkjuni á Christiansborg, meðan prinsurin hevur ligið á castrum doloris, og umleið 20.000 fólk hava nýtt hetta høvi.

Sjónvarpið fer at senda frá kórsetingini í slotskirkjuni á Christiansborg nú klokkan átta.

Samsent verður við TV2.