Skapandi vinnur í tinginum

Løgtingið fer klokkan 11 fyrrapartin undir aðalorðaskifti um skapandi vinnur.

Tað er landsstýrismaðurin í uttanríkis og vinnumálum, sum hevur lagt fram frágreiðing um skapandi vinnur.

Vinnugreinarnar, sum eru taldar sum skapandi vinnur í politikkinum, eru byggilist, bókmentir,
lýsingavirksemi, sniðgeving, listhandverk, filmur, tónleikur, útinnandi list, forlagsvirksemi,
miðlar, ritbúnaður, myndlist, søvn og gastronomi.

Landsstýrismaðurin mælir í frágreiðingini til, at halda á skapandi menningin við tveimum meginreglunum, at gera tað einfaldari hjá øllum íverkstarum at koma í gongd og at seta smidligar skipanir í verk, sum kunnu stuðla upp undir ymsu skapandi
vinnugreinarnar sær tá ið tað er best og sum lyfta í felag har sum tað ber til.