Sleppa ikki av við grundstykkini

Tað er trupult at fígging til byggja í Kunoy. Tað sigur Sóleyð Klettskarð í Kongsstovu, borgarstjóri í Kunoy.

- Vit hava nógvar fyrispurningar um grundstykkir og at sleppa at byggja. Men tað vísir seg, at tað er trupult hjá ungum fólki at fáa lán til at seta búgv uttanfyri stórbýirnar.

Borgarastjórin harmast

Í Kunoy eru níggju grundøkir. Tey, sum eru byggibúgvin, kosta millum 143.000 og 167.000 krónur, meðan tey, sum ikki eru byggibúgvin, kosta millum 53.000 og 67.000 krónur.

Í Haraldsundi eru fimm grundøki, tey eru ikki byggibúgvin og kosta millum 60 og 66.000 krónur. Støðan er keðilig, sigur Sóleyð Klettskarð í Kongsstovu, borgarstjóri.

- Tað tykist sum um, at landið ikki hevur áhuga í, at tað veksur uttan fyri stórbýirnar. Verður gongdin ikki vend, so er ikki nógv at gera hjá smáu plássunum í landinum, sigur Sóleyð Klettskarð í Kongsstovu.