Pengar til Bláa Kross og Frælsi

Pengar til Bláa Kross og Frælsi
Uppskot er lagt fyri tingið um at lata Bláa Krossi og Viðgerðarstovninum Frælsi meira pening í ár.
 
08.03.2018 - 08:13

Blái Krossur og Viðgerðarstovnurin Frælsi skulu fáa tilsamans 2,1 milliónir krónur afturat í ár.

Tað halda løgtingsfólkini Magnus Rasmussen úr Sambandsflokkinu, Elsebeth Mercedis Gunnleygsdóttir úr Fólkaflokkinum, Jenis av Rana úr Miðflokkinum, Kári P. Højgaard úr Sjálvstýrinum, Kristin Michelsen úr Javnaðarflokkinum - ið tó kennir seg leysan av at atkvøða saman við samgonguni, og uttanflokkatingkvinnan Sonja Jógvansdóttir.

Tingfólkini vísa á, at nú farið er undir at skipa rúsviðgerð fyri børn og ung á ávikavist Bláa Krossi og Frælsi er greitt, at neyðugt er at játta fleiri pengar, skulu viðgerðartilboðini vera alt árið.

Í eykajáttanarlóg fyri mars mæla tey tí til at játta 900.000 krónur afturat til Bláa Kross, og marka pengarnar til ambulant viðgerðartilboð til ung yngri enn 18 ár við rúsevnatrupulleikum. Somuleiðis mæla tey til at játta 1,2 millión krónur afturat til Viðgerðarstovnin Frælsi á Eiði og marka pengarnar til ung yvir 18 ár við rúsevnatrupulleikum.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214