Trump og Kim Jong-un hittast

Boðini komu frá høgtstandandi embætisfólkum úr Suður Korea, sum høvdu eitt bræv við frá Kim Jong-un til amerikanska forsetan.

Eisini varð sagt, at Kim Jong un-hevði játtað at steðga á við kjarnorkuroyndarsprongingunum.

Chung Eui-yong, ið er trygdarráðgevi hjá stjórnini í Suður Korea, segði soleiðis á tíðundafundi, eftir at hann hevði handað Trump forseta brævið frá leiðaranum í Norður Korea:

- Trump forseti er takksamur fyri kunningina, og hann hevur sagt ja til at hittast við Kim Jong-un.

Trump forseti hevur játtað at hitta Kim Jong un, og fundurin verður í mai, varð sagt í hasum brotinum, sum vit høvdu av BBC.