Brúka VAR-skipanina til HM í Russlandi

Fríggjadagin tók altjóða fótbóltssambandið, FIFA, avgerð um at brúka videodómaraskipanina, VAR, til HM-endaspælið, sum verður í Russlandi í summar.

Videohjálpin hevur annars fingið nógvar atfinningar, men í sambandi við ein fund í Bogota í Kolumbia fríggadagin, fortaldi FIFA-forsetin, at skipanin verður brúkt til HM-endaspælið í fótbólti.

- Vit eru noydd at fylgja við tíðini. Vit vilja geva dómarunum amboð til at taka betri avgerðir, og í sambandi við HM verða týdningarmiklar avgerðir jú tiknar, sigur Gianni Infantino við BBC.

HM-endaspælið í fótbólti verður í Russlandi frá 14. juni til 15. juli.