Nets roynir nýggjan gjaldshátt

Nýggja skipanin verður í løtuni roynd á Copenhagen Business School í Keypmannahavn, sigur felagið í tíðindaskrivi.

Royndin sum nú verður gjørd í danska skúlanum er fyrsta stigið, sigur Jeppe Juhl-Andersen, sum hevur ábyrgdina av dankortinum.

- Fleiri kanningar skulu gerast, tí tað er ikki vist, at kortið í framtíðini verður eitt kort úr plasti, men at nóg mikið verður at vísa andlitið ella nýta ein fingur, tá goldið verður, sigur hann.

Nýggja skipanin virkar á sama hátt, sum tá fingurin verður nýttur á eini iPhone. Tá verða æðrarnar skannaðar í fingrinum, og tað skuldi verið nóg mikið sum trygd.

Tey sum ætla at nýta dankortið á tann hátt, skulu knýta kortið til fingurin, og verða skrásett á tann hátt í skipanini.