Síðsti tingdagur

Tingfundurin byrjar kl.10.00.

Á dagsskránni eru 13 mál, sum skulu hava triðju viðgerð. Hetta eru mál, sum longu eru samtykt eftir aðru viðgerð.

Teirra millum er eykajáttanin til viðgerðarstovnarnar Blákrossheimið og Frælsi.

Tingfólkini Kristin Michelsen, Magnus Rasmussen, Elsebeth M. Gunnleygsdóttir, Jenis av Rana, Kári P. Højgaard og Sonja J. Jógvansdóttir skutu upp at lata Blákrossheiminum 900.000 kr. og Frælsi 1,2 milliónir. 

Av tí, at ein samgongutingmaður er millum teirra, sum skutu hetta upp, var uppskotið eitt ivamál, tí løgmaður setti markið fyri loyalIteti móti samgonguni við uppskot, sum kostaðu pengar.

Men Fíggjarnevndin bjargaði støðuni. Ein samd Fíggjarnevnd mælti til at skera 200.000 kr. av játtanunum, og tað samtykti løgtingið í gjár.

Bláskrossheimið fær tí 700.000 kr. afturat í ár, og Frælsi fær eina millión afturat.