Fyrsta mál síðani nýggj lóg kom, skal tí í rættin

Skiparin á skotska trolaranum Endeavour skal í Føroya rætt klokkan eitt í dag, tí skipið hevur roynt við tveimum trolposum á Uttara banka. 

Nú nýggj fiskivinnulóggáva er komin, er neyðugt at fáa rættin at áseta støddina á bótini.

Annars kann Vørn sambært nýggju lógini geva bót uttan fyri rættin.

Men av tí at hetta er fyrsta málið av hesum slagnum, síðani nýggja lógin kom, er neyðugt at fáa rættin at avgera, hvussu stór, bótin skal verða.

Fekk loyvi heima

Skiparin er í teirri støðu, at hann fekk loyvi longu 8. januar í ár frá myndugleikunum í Skotlandi at royna við tveimum trolposum undir Føroyum, hóast hetta er brot á treytirnar um fiskiskap hjá ES skipum í føroyskum sjógvi.

Hetta ger tó ikki, sambært ákæruvaldinum í Føroyum, at skiparin á Endeavour kennir reglurnar, sum eru galdandi.

Brimil tók skotska trolaran á Uttara banka leygardagin.

Hann er tikin fyri at royna við tveimum trolum, ella við tveimum trolposum.

Stutt fyri midnátt leygarkvøldið kom Brimil á Havnina við Endeavour.