SEV kunnar seg um kjarnorku

Bygginevndin hjá SEV hevur umbiðið eitt upprit frá føroyskum serfrøðingi í kjarnoku.

Tað er Johan Pauli Magnussen, Ph.D. í kjarnorkuvísindi, sum hevur gjørt uppritið. Hann starvast hjá UK Atomic Energy Authority.

Í uppritinum kemur serfrøðingurin inn á fyrimunir, vansar og avbjóðingar við kjarnorku, tá ræður um føroysku elskipanina.

Uppritið er ikki viðgjørt til fulnar í nevndini enn, sigur Heðin Mortensen, formaður í bygginevndini hjá SEV.

Í bygginevndini hjá SEV sita tríggir nevndarlimir og leiðslan í SEV.