- Tíðindi, mentan og ítróttur
Boðini innkomin til Bláa Skýlið í Klaksvík
Boðini innkomin til Bláa Skýlið í Klaksvík
Tilboðini í sambandi við verkætlanina at gera Bláa skýlið við fótbóltsvøllin á Djúpumýru í Klaksvík, vórðu latin upp í Býráðshúsinum í dag.
Mynd: Klaksvíkar kommuna
15.05.2018 - 15:27
Bláa skýlið er liður í heildarætlanini fyri stadionøkið, sum við hesum og øðrum komandi verkætlanum fer at lúka altjóða krøv, skrivar heimasíðan hjá Klaksvíkar kommunu.
Arbeiðið er bólkað í trý: høvuðsarbeiðstøka, EL og hiti,vatn og sanitet, og trý tilboð komu inn i hvørjum bólki.
Norðhús vann útbjóðingina um høvuðsarbeiðstøku. Norðhús kann gera arbeiðið fyri 13 milliónir 994.000 krónur.
El-arbeiðið vann El-in, sum kann gera arbeiðið fyri 565.079,13 krónur.
Og Blikksmiðjan skal gera hita, vatn og sanitet-arbeiðið fyri 1.008.528,90 krónur.
Samlagt fer arbeiðið at gera Bláa skýlið at kosta góðar 15,5 milliónir krónur.
Er kopiera
Nýggjastu sendingar í ÚV
Nýggjastu sendingar í SV
