Súni Schwartz nýggjur stjóri í NUMO

Umframt grannskoðan, veitir NUMO ráð um roknskap, bókhald, sølu, keyp og umskipan av virkjum og eisini ráð um skattaviðurskifti.

Súni Schwartz Jacobsen er statsautoriseraður grannskoðari og var stjóri á Spekt frá 1996 til 2006, tá hann bleiv stjóri í Føroya Banka. Í 2011 bleiv hann stjóri í Eik, har hann var til í fjørheyst. Síðani hevur hann verið í starvi hjá J.& K. Petersen.

Stutt eftir, at ein løgfrøðilig kanning av skattamálinum mælti til at lata løgregluna kanna, um bankin hevði brotið lógina, boðaði Súni Schwartz Jacobsen frá, at hann fór úr starvinum, tí nógva umrøðan ikki gagnaði Betri-samtakinum. Tær kanningarnar eru ikki lidnar enn.

Síðani hevur Súni Schwartz Jacobsen arbeitt hjá J&K Petersen.

Við Súna Schwartz Jacobsen fer NUMO nú at hava tveir statsautoriseraðar grannskoðarar og tríggjar skrásettar. Við honum fer NUMO nú at hava tveir statsautoriseraðar grannskoðarar og tríggjar skrásettar.

Súni Schwartz Jacobsen tekur við sum annar av tveimum stjórum í NUMO 1. september. Hin stjórin er Bjarni Arnason.