Meningarkvoturnar á gáttini

Nevndin, ið skuldi gera tilmælið um, hvør skuldu fáa menningarkvotur, hevur latið Fiskimálaráðnum tilmælið. 

Gestur Hovgaard, formaður í nevndini, sigur, at tey lótu Fiskimálaráðnum sítt tilmælið í gjár.

Rógvi Reinert, aðalstjóri í Fiskimálaráðnum, vil ikki siga, nær tað verður almannakunngjørt, hvør fær menningarkvotur, men tað verður skjótt, sigur aðalstjórin.

38 umsóknir komu inn um at fáa menningarkvotur.

Í hesum fyrsta umfarinum verður bara uppsjóvarfiskur latin sum menningarkvota. Menningarkvoturnar í ár eru 41.912 tons av svartkjafti, 8749 tons av makreli og 7510 tons av norðhavssild.

Menningarkvota kann latast fyri 1 ár, 2 ár, 3 ár ella 4 ár. 

Hetta er fyrstu ferð, at menningarkvotur verða latnar.