Løkke stuðlar føroyskum limaskapi

Løkke stuðlar føroyskum limaskapi
Danski forsætisráðharrin, Lars Løkke Rasmussen, heldur tað vera nátúrligt at Føroyar fáa limaskap eins og onnur lond í somu støðu.
 
23.07.2018 - 07:41

Hóast Lars Løkke Rasmussen, forsætisráðharri, stuðlar føroyska ynskinum um viðurkenning frá altjóða olympisku nevndini, hevur nevndin higartil ikki viljað góðkent Føroyar, tí limalondini skulu vera sjálvstøðug lond og góðkend sum slík í ST.

Lars Løkke Rasmussen heldur tó, at tað er nátúrligt, at Føroyar fáa limaskap eins og onnur lond, sum eru í somu støðu sum Føroyar, skrivar Ritzau, sum hevur fingið tíðindabræv frá ÍSF.

Danmark hevur í nógv ár stuðlað føroyskum limaskapi, men uttan úrslit higartil.

Í 2006 royndi Brian Mikklelsen, sum tá var mentamálaráðharri, at fáa Føroyum og Grønlandi loyvi til at vera við í olympisku leikunum undir egnum flaggi.

Men forsetin i IOC, sum tá var Jacques Rogge, segði kortanei.  

Olympisku nevndirnar í Danmark, Noregi og Íslandi taka undur við føroyskum og grønlendskum limaskapi í IOC.

ÍSF hevur samráðingar við IOC um limaskap.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652