Finnast at ferðamannaskipi við tungolju

Finnast at ferðamannaskipi við tungolju
Ferðamannaskipið Rotterdam, sum eisini hevur verið í Føroyum, hevur fingið íslendsk náttúrufriðingarfólk at rópa varskó, tí skipið brúkar tungolju
Rotterdam lá í Runavík á sumri í 2015
 
25.07.2018 - 08:59

Hendan oljan eigur at verða bannað í Norðuratlantshavi, siga íslendsk náttúrufriðingarfólk.  

Íslendska náttúruverndarfelagið sigur á heimasíðuni Fiskifréttir.is, at skaðin hevði verið øgiligur, um Rotterdam, sum var í trimum havnum í Íslandi fyri stuttum, sigldi á land ella stoytti saman við annað skip, tí at kalla ógjørligt er at fáa tungolju úr sjónum.

Tungolja er eisini skaðilig fyri heilsuna hjá fólki, verður sagt. Men hon verður brúkt, tí hon er bílig.

Ísland hevur formansskapin í Arktiska ráðnum í 2019. Júst tað ráðið sigur, at eitt stórt dálkingaróhapp er størsta hóttanin móti øllum lívi á norðurpólsleiðini.

Altjóða siglingarstovnurin hjá ST, IMO, hevur longu sett forboð fyri at brúka tungolju sunnanfyri og við Svalbard.

Og sambært eini fyriskipan frá IMO verður tungolja við høgum svávulinnihaldi bannað at nýta á heimsins høvum í 2020. Føroyar eru limur í IMO, og tí mugu vit fyglja teirra ásetingum og fyriskipanum. 

Tungolja inniheldur munandi meiri svávul enn vanlig gassolja, og dálkar tí verri enn hon. 

Hon er tó bíligari enn vanlig gassolja, og stór skip brenna tí tungolju.

Rotterdam er á veg til Íslands aftur nú. 

Er kopiera
Nýggjastu sendingar í ÚV
Týsdag 11. februar
Morgunlestur týsdagur 11.februar 2025
186665
Mánadag 10. februar
Norðurljóð 10.februar 2025
187245
Mánadag 10. februar
Hvør skal venja landsliðið
187571
Nýggjastu sendingar í SV
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369
Fríggjadag 7. februar
Heim, kæra heim (3:3)
187463