33 fólk deyð av ebola í Congo

05.08.2018 - 10:27
Aktuelt
33 fólk deyð av ebola í Congo
Ebola hevur aftur breitt seg í Congo, og smitta er funnin í tíggju ymiskum støðum í landinum.
 

33 fólk deyð í Congo av ebolasmittu. Tað upplýsir kongolesiska heilsumálaráðið sambært DR.

Í Congo hevur ebola gjørt nógv um seg í fleiri umførum gjøgnum árini. Og tá ið heilsumyndugleikarnir halda seg hava fingið tamarhald á vandamiklu smittuni, so er eitt nýtt útbrot á veg.

WHO upplýsir nú sambært DR, at Ebola aftur hevur breitt seg í Congo, og at smitta er funnin í tíggju ymiskum støðum í landinum.

Hóast landið ofta hevur verið rakt av vandamiklu smittuni, so er støðan hesaferð serliga vandamikil.

Umleið ein millión íbúgvar flýggja úr býnum, Nordkivu, har ebola er funnið, tí herurin ger nógv um seg har. Harafturat er økið skógarøkið. Og tað kann hava við sær, at smittan fer at breiða seg óvanliga skjótt, sigur WHO.

Mett verður, at flogmýs og apur eru høvuðssmittukeldurnar í náttúruni.

Tey, ið fáa sjúkuna, fáa høgan fepur, høvuðpínu, spýggja, og byrja at bløða í húðini og innaru gørnunum. Deyðatilburðirnir eru sera nógvir. Sambært WHO doyr umleið helvtin at teimum, ið fáa sjúkuna.

Er kopiera
Nýggjastu sendingar í ÚV
Mánadag 5. desember
Morgunlestur mánadagur 5. desember 2022
148408
Sunnudag 4. desember
Meg minnist (5:5)
148918
Sunnudag 4. desember
Bolero 4. desember 2022
148912
Nýggjastu sendingar í SV
Sunnudag 4. desember
Annar sunnudagur í advent
148927
Sunnudag 4. desember
Guðstænasta í Vesturkirkjuni
148908
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852