Afturkalla frikadellupylsur

Ávarað verður nú aftur móti einari matvøru.

Hesa ferð er talan um Coop Frikadellepølse, sum Coop Danmark afturkallar.

Frikadellupylsan er eisini seld í Føroyum, sigur Heilsufrøðiliga starvsstovan, sum gevur teimum, sum hava keypt vøruna, tey ráð at lata hana aftur har, hon er keypt, ella beina hana burtur. 

Orsøkin til, at frikadellupylsan verður mett at vera óegnað til matna, er, at gassgerð er í pakkunum og týðir hetta á óætlaðan mikroorganismuvøkstur.

Vøran, sum er afturkallað, er 120 gramm netto, og haldførið er best fyri allar dagar til og við 28. august í ár.

Coop Frikadellepølse er gjørd í Póllandi.