Føroyar javnaðu í yvirtíðini

Føroyska U17-landsliðið megnaði at spæla javnt, tá teir tóku móti Kina á Tórsvølli fyri løtu síðani.

Talan er um dyst í NM-kappingini fyri U17-landslið hjá monnum. Kina er við sum gestaluttakari, tað sama er Norðurírland.

Føroyar, ið frammanundan hava tapt allar sínar dystir, stríddist móti einum væl upplagdum kineskum liði. Føroyska verjan stóð væl, men Kina legði seg á odda í øðrum hálvleiki. 

Stutt fyri leiklok skora føroyingar, tá Bergur Jákupsson Poulsen heldur brádliga stútar bóltin í málið eftir eitt hornaspark.

Hetta merkir samstundis, at Føroyar blíva nummar trý í bólkinum. Føroyar skulu tí spæla um fimta plássið. Tað verður leygardagin móti Svøríki á Tórsvølli.

Málið sæst í stroymingini hjá FSF Varpinum niðanfyri.