Bretar ivast í Brexit

Var fólkaatkvøðan í dag, høvdu 52 % av veljarunum valt at vera verandi í ES, og 48 % valt Brexit. Tað vísir ein veljarakanning, sum er gjørd seinastu tríggjar mánaðarnar.

Eins og tá, so er stórur munur á, hvat tey ungu valdu, og hvat tey eldru valdu, skrivar BBC á heimasíðu síni. 

Heili 70 % av teimum, sum eru millum 18 og 24 høvdu valt at vera verandi í ES, meðan heili 60 % av teimum, sum eru eldri enn 60 ár, høvdu valt at venda ES baki, um val var í dag.