Føroyar sleppa ikki við til OL

Føroyar sleppa ikki við til OL
Olympiska nevndin, IOC, hevur ongar ætlanir um loyva Føroyum at luttaka á olympisku leikunum sum sjálvstøðug tjóð.
 
20.08.2018 - 09:02

Tað sigur forsetin í IOC, Thomas Bach, við Ritzau, sum eisini hevur eitt prát við Jón Hestoy um føroyska arbeiðið at fáa sjálvstøðugan limaskap í IOC.

Sambært greinini stuðla bæði danska ítróttarsambandið og danska stjórnin føroyskari luttøku í OL sum sjálvstøðug tjóð, men kortini heldur altjóða olympiska nevndin seg til reglurnar um, at einans lond, sum eru viðurkend av altjóða samfelagnum sum sjávstøðug lond, kunnu luttaka í OL.

Hetta tykist heldur øvugt, tí Føroyar, hava verið við til at byrja paraolympisku leikarnir og luttaka har, sigur Jón Hestoy.

Hann ætlar at halda fram við arbeiðinum fyri, at føroyingar kunnu umboða Føroyar til OL. Tað er eydnast fyrr, tó tað tóktist ógjørligt, sigur hann og tekur føroyska limaskapin í FIFA sum dømi.

- Tað tók 10 ár og tóktist ikki kunna lata seg gera, til tað bráddliga kundi lata seg gera at gerast limur í altjóða fótbóltsambandinum, sigur hann.

Føroyar eru eisini limir í altjóða svimjisambandinum FINA og kunnu tí luttaka í EM og VM kappingum í hesum greinum. 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652