Talv: Føroyar vunnu móti Sierra Leone

Føroyar telvaðu móti Sierra Leone og vunnu 3½ - ½. 

John Rødgaard, Olaf Berg og Martin Poulsen vunnu, og 
Karl Eli Samuelsen telvaði javnt. 
Tilsamans 185 lið eru við í almennu kappingini, og Føroyar eru styrkismettar nummar 76 av teimum. 
Kappingin heldur fram í morgin. 
Enn er ikki greitt, hvørjum landi Føroyar telva ímóti í øðrum umfari. 

Føroyski stórmeistarin Helgi Dam Ziska var ikki við í dag, men verður ætlandi á 1. borði hjá Føroyum í morgin.
Ellivu umfør skulu telvast í Georgia. 
Talvolympiadan endar 5. oktober.