Løgmaður heldur fast, Dalstunnilin fyrst

Aksel V. Johannesen, løgmaður, sum ikki vil gera bandaða samrøðu við útvarpið sigur, at fyri fýra vikum síðani var landsstýrið á Viðareiði og legði ætlanir. Tá samtykti landsstýrið, at Dalstunnilin skuldi vera nummar eitt í raðfestingini og Fámjinstunnlin nummar tvey. Løgmaður sigur, at tann raðfestingin, hon er framvegis galdandi. Málið er sum so ikki nærri viðgjørt í samgonguni, sambært løgmanni.

Og løgmaður er ikki einsamallur um at halda fast. Jónleif Johannesen, tinglimur fyri Javnaðarflokkin, og sum sjálvur er úr Dali, men býr í Klaksvík, vil eisini hava, at Dalstunnilin er frammanfyri Fámjinstunnilin. Jónleif Johannesen vil heldur ikki gera bandaða samrøðu við útvarpið.