Uppskot um fyribyrgjandi heilsutænastur

Uppskotið byggir á broyttu lógina um fyribyrgjandi heilsuskipanir fyri børn og ung, sum kom í gildi 1. august í ár.

Lógin er annars frá 2007.

Í uppskotinum um kunngerð stendur millum annað, at børn undir skúlaaldri skulu fáa tilboð um sjey fyribyrgjandi heilsukanningar hjá kommunulækna. 

Og børn og ung í skúlaaldri skulu fáa tilboð um tvær heilsukanningar hjá heilsufrøðingi ella kommunulækna.

Síðani sigur kunngerðin neyvt, hvussu hesar kanningar skulu gerast. 

Sambært kunngerðini skulu heilsufrøðingar eygleiða og viðmerkja heilsu- og reinførisviðurskiftini í skúlunum.

Verður heilsufrøðingur varugur við viðurskifti í skúlunum, sum krevja ábøtur, skal heisufrøðingurin boða frá hesum í skúlanum, hjá avvarðandi myndugleika og hjá landslæknanum.