Varskógvar álit um varskógvaraskipan

Varskógvar álit um varskógvaraskipan
Fíggjarnevndin hevur biðið um freist til fríggjadagin at koma við áliti um tvey mál, hon hevur havt í alt heyst
Varskógvaraskipanin kom úr Fíggjarmálaráðnum.
 
12.11.2018 - 07:25

Seinast í hesari vikuni væntar Fíggjarnevndin hjá løgtinginum at skriva álit um tvey tingmál, sum hon hevur havt leingi.

Nevndin hevur biðið um freist til 16.november, sum er fríggjadagin.

Annað málið er uppskotið um varskógvaraskipan, sum kom í tingið 21.august og fór í Fíggjarnevndina eftir fyrstu viðgerð 10.september.

Mælti frá

Semja er ikki í landstýrinum um uppskotið. Samferðslumálaráðið heldur, at ein kanning eigur at gerast fyrst fyri at vita, um brúk er fyri einari varskógvaraskipan í Føroyum. 

Samferðslumálaráðið mælti frá, at uppskotið varð lagt fyri løgtingið.

Kristina Háfoss, landsstýriskvinna í fíggjarmálum, legði kortini uppskotið fram.

Samferðslumálaráðið heldur fyrst og fremst, at ein varskógvaraskipan er eitt arbeiðsmarknaðarmál, sum Samferðslumálaráðið
av røttum eigur.

Dátueftirlitið heldur, at lógaruppskotið um varskógvaraskipan er ófullfíggjað. 

Skattafrítt útgjald 

Fíggjarnevndin ætlar eisini at verða liðug við upppskotið hjá Fólkaflokkinum um at lata útgjaldið úr Samhaldsfasta verða skattafrítt.

Flokkurin heldur uppá, at fólk longu hava goldið skatt av pengunum, tí inngjaldið í Samhaldsfasta er skattað.

Uppskotið fór í Fíggjarnevndina eftir fyrstu viðgerð 27.september.   

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585