Fíggjarligi ójavnin í Danmark veksur

Fíggjarligi ójavnin í Danmark er gingin skeiva vegin tey seinastu 10 árini, tí tey ríku eru vorðin ríkari og tey fátæku eru fátækari.

Tað vísir ein uppgerð sum danska hagstovan hevur gjørt.

Seinastu 10 árini er inntøkan hjá teimum, sum vinna minst, ikki hækkað, meðan inntøkan hjá teimum, sum vinna mest, er hækkað munandi.

Eftir uppgerðini er inntøkan hjá teimum, sum vinna minst, lækkað 1 prosentstig, meðan inntøkan hjá teimum, sum vinna mest, er hækkað 18 prosentstig.

20 árini frammanundan var støðan ein onnur, tí tá hækkaði inntøkan støðugt hjá teimum, sum vinna minst, skrivar danska hagstovan.

Millum tey, sum vinna minst, eru lesandi, tey sum fáa útbúgvingarhjálp, og fremmand, sum eru komin til landið og fáa integratiónshjálp.

Fakfeløgini finnast at gongdini og siga hana fara at hava polarisering við sær.

Danska hagstovan upplýsir eisini, at talið av teimum, sum tjena minst, er hækkað úr 8,3 upp í 8,8 prosent seinastu 10 árini.