Onki álit um Marknagil í dag

Álitið frá fíggjarnevndini um eykajáttan til Skúladepilin í Marknagili verður kortini ikki lagt fram í dag.

Málið segist annars at hava skund, og ti víkti løgtingið frá øllum freistum fyri at viðgera málið. Men uppskotið hevur skjótt ligið ein mána í fíggjarnevndini uttan at álit er komið frá nevndini.

Ruth Vang, forkvinna, ætlaði annars, at álitið úr nevndini skuldi leggjast fram seinnapartin. Men nú sigur Ruth Vang, at álitið kemur ikki í dag, tí tað er okkurt tekniskt ivamál.