Yvirtøka samtykt við stórum meiriluta

Yvirtøka samtykt við stórum meiriluta
Løgtingið hevur endaliga samtykt at yvirtaka kort- og landmátingarmyndugleikan
Nú skulu føroyingar sjálvir gera kort av Føroyum.
 
10.12.2018 - 13:13

Løgtingið hevur endaliga samtykt við stórum meirluta at yvirtaka kort- og landmátingarmyndugleikan.

Hóast danir gjørdu vart við, at avgerðin um yvirtøkuna skal bíða, varð hon samtykt við stórum meiriluta í løgtinginum.

Danir skilja støðuna soleiðis, at bíðast skal eftir arbeiðsbólkunum við umboðum fyri føroyskar og danskar myndugleikar, sum eru settir at fyrireika yvirtøkuna, ein er fyri landkort og ein fyri sjókort. 

Serliga hugsa danir um, at markamótið millum kort- og landmátingarmyndugleikan og verjumál skal lýsast nærri fyri yvirtøkuna. 

Løgmansskrivstovan hevur eina aðra fatan. Hon sigur, at bólkarnir skulu fyrireika sjálva yvirtøkuna, ikki avgerðina um yvirtøkuna.

Lógin um yvirtøkuna kemur í gildi 1.apríl næsta ár, sjókortini tó ikki fyrr enn 1.januar í 2020.

Mett verður, at tað fer at kosta 2,6 mió. kr. um árið at yvirtaka landkortini og 5,6 mió. kr. at yvirtaka sjókortini.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470