Taka fleiri laksar enn áður ætlað

Bakkafrost ætlar at taka 54.500 tons av laksi í ár, sigur samtakið í fráboðan til partaeigararnar.

Tað eru 1.500 tons meira enn fyrr fráboðað.

Bakkafrost tók 12.300 tons av laksi í fjórða ársfjórðingi í fjør.

Havsbrún seldi 24.700 tons av alifóðri í seinasta ársfjórðingi í fjør.

Frágreiðingin hjá Bakkafrost-samtakinum fyri fjórða ársfjórðing 2018 verður almannakunngjørd tann 19.februar.