Løgtingið góðkent landsroknskapin

06.02.2019 - 18:21
AktueltPolitikkur
Løgtingið góðkent landsroknskapin
 

Løgtingið hevur góðkent landsroknskapin fyri 2017.

Grannskoðararnir vístu á fleiri viðurskifti, sum ikki eru í lagi, m.a. tá ið ræður um at halda játtanarreglurnar, vantandi avgerðir hjá landsstýrismanninum í samferðslumálum í málinum um, at Landsverk skuldarbindur landið í sambandi við Asfaltverkið á Sundi, eins og fyrivarni verður tikið fyri roknskapinum fyri sjúkraviðgerð uttanlands.

Fíggjarnevndin, sum viðgjørdi uppskotið frá løgtingsgrannskoðarunum, segði í álitinum, at hetta eru viðurskifti, sum als ikki kunnu góðtakast, og tað er avgerandi fyri fíggjarstýringina hjá landinum at síggja til, at hetta ikki hendir aftur.

Tað er ábyrgdin hjá avvarðandi landsstýrismanni og í síðsta enda løgmanni at tryggja, at hetta verður fingið í rættlag beinanvegin, segði fíggjarnevndin.

Ein samd fíggjarnevnd tók kortini undir við uppskotinum frá løgtingsgrannskoðarunum, og mælti tinginum til at samtykkja tað.

Eitt uppskot um at beina málið aftur í nevnd, fall.

Landsroknskapurin fyri 2017 varð góðkendur við 22 atkvøðum fyri, ongari ímóti, og tríggjar atkvøður vóru blankar. 

Er kopiera
Nýggjastu sendingar í ÚV
Týsdag 28. mars
Morgunlestur týsdagur 28. mars 2023
154416
Mánadag 27. mars
Norðurljóð 27. mars 2023
154243
Mánadag 27. mars
Begynna og byrja eru bæði føroysk
154728
Mánadag 27. mars
Góðan morgun Føroyar 27.03.2023
154725
Nýggjastu sendingar í SV
Sunnudag 26. mars
Guðstænasta úr Sjóvar kirkju
154691
Sunnudag 26. mars
Andakt við Árna Joensen
154684
Fríggjadag 24. mars
Veðrið 24. Mars
154636
Mikudag 22. mars
Úr savninum: Flúgviplássið
154470