Kristina ikki víðari

Føroyingurin Kristina Bærendsen fer ikki at umboða Ísland í evropeisku sangkappingini í Tel Aviv í Ísrael í ár.

Í fyrra undanumfarinum í Reykjavík í gjárkvøldið fekk hon ikki nóg nógvar atkvøður til at halda fram. Fimm sangir vóru í gjárkvøldið. Tveir teirra halda fram í finaluni 2. mars.

Seinna undanumfarið í Íslandi verður leygarkvøldið. Eingin serkønur dómari er. Fólk avgera, hvør heldur fram í kappingini í Íslandi.