Ætla at víðka havnaøkið í Funningsfirði

Býráðið í Runavík skal í annaðkvøld taka støðu til at víðka havnarlagið í Funningsfirði.

Í samband við útbygging av vinnuvirksemi í Funningsfirði er neyðugt at víðka havnarlagið við eini útfylling umleið 500 m2 frá bryggjukantinum og suður ímóti grótkastinum, stendur í fundarskránni fyri býráðsfundin.

Samlaði kostnaðurin fyri hetta er mettur til 5-600.000 kr. Vinnu- og havnarnevndin mælir til at útfyllingin verður gjørd, og fíggjarnevndin tekur undir við tilmælinum frá Vinnu- og havnarnevndini.