Yvirtøka og náttúran

Landsstýrið skjýtur upp at yvirtaka vitarnar, sjóuppmerking og sjórættin. Eisini er uppskot um nýggja náttúruverndarlóg. Hon eitur margfeldni í náttúrini.

Tingið skal viðgera fýra lógaruppskot um hetta í dag. Sirið Stenberg, landsstýriskvinna, mælir millum annað til at taka friðingarnevndirnar av.

Landsstýrisfólkið skal fáa heimildirnar, sum nevndirnar hava havt, og landsstýrisfólkið leggur ætlandi sínar heimildir til Umhvørvisstovuna at umsita.

Nýggja náttúrumargfeldnislógin skal sambært uppskotinum koma í gildi 1. januar í 2020, og tá skulu friðingarnevndirnar eisini takast av.