Størri samsýning fyri tilmæli um løn og eftirløn

Størri samsýning fyri tilmæli um løn og eftirløn
Nevndin, sum ger tilmæli um lønirnar hjá politikarum, skal hava meira í samsýning, nú hon eisini skal gera tilmæli um lønirnar hjá løgtingsfólkunum
Hægri samsýning er neyðug, men hvør skal gjalda hana?
 
02.04.2019 - 07:32

Sambært lóg frá 2003 ger nevndin tilmæli um lønina og eftirlønina hjá landsstýrisfólkum. Men eitt uppskot er í tinginum um, at nevndin eisini skal gera tilmæli um løn og eftirløn hjá tingfólkum.

Løgmansskrivstovan hevur gjørt løgtinginum varugt við, at tey trý fólkini í lønarnevndini skulu hava størri samsýning, nú tey eisini skulu gera tilmæli um lønirnar í løgtinginum.

Løgmansskrivstovan spyr, hvør skal taka støðu til hækkingina í samsýningini og hvør skal gjalda hækkingina, Løgmansskrivstovan ella løgtingið. 

Niðurstøða krevst

Løgmansskrivstovan mælir til, at serliga tingnevndin, sum viðger lønarhækkingina hjá løgtingsfólkum, eisini viðger hendan spurningin og ger greiða niðurstøðu um hann. 

Páll á Reynatúgvu, løgtingsformaður, sum hevur lagt fram uppskotið um lógarbroytingina, sigur, at endamálið við lógaruppskotinum er, at nevndin, sum ger tilmæli til løgmann um samsýningar og eftirløn landsstýrismanna, eisini, og helst samstundis, skal geva løgtingsformanninum tilmæli um samsýningar og eftirløn løgtingsmanna.

Á hendan hátt slepst undan, at setast skulu tvinnar ymiskar nevndir, sigur løgtingsformaðurin. Størri samsýning til nevndina er tó ikki við í uppskotinum. Men nú hevur Løgmansskrivstovan gjørt vart við hetta.

Sambært reglugerð frá 2004 fær formaðurin ella forkvinnan í nevndini, sum varð sett at gera tilmæli um samsýningar og eftirløn hjá landsstýrisfólkum, 40.000 kr. og hinir báðir nevndarlimirnir 30.000 kr. Teir pengarnar hevur Løgmansskrivstovan rindað.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592