- Tíðindi, mentan og ítróttur
1,87 milliónir latnar í filmsstuðli
Íverksetarafelagið Kykmyndir, sum Jón Hammer eigur, fær 400.000 krónur til filmin Oktober. 20 filmsverkætlanir fáa stuðul í fyrra umfarinum í 2019.
Tær fáa eina millión og 866.400 krónur. Størsta stuðulin fáa Kykmyndir. Hann fer til leikfilmin Oktober hjá Sakariasi Stórá.
400.000 meira enn í fjør
Næststørstu upphæddina, 250.000 krónur, fær Trygvi Danielsen, sum vann Geytan í fjør fyri 111 góðar dagar. Mentamálaráðið upplýsir, at umsóknir um pengar til leikfilm eru fleiri nú. Tær vóru seks hesaferð.
Tveir filmsráðgevar, sum í løtuni eru Magni Høgnesen og Barbara í Stórustovu, gjørdu tilmæli til landsstýrismannin í mentamálum um, hvussu stuðulin skuldi býtast hesaferð.
Játtanin til føroyska filmsframleiðslu er 2,7 milliónir krónur, 400.000 krónur meira enn í fjør. Seinna stuðulsumfar verður í heyst. Evsta mark at søkja er 1. september.
Hesi fáa stuðul
| Navn | Verkætlan | Stuðul |
| Kykmyndir ÍVF | Oktober | 400.000 |
| Trygvi Danielsen | 111 góðir dagar | 250.000 |
| Anna Katrin Ø. Egilstrøð | VITI | 165.000 |
| Jóhan Martin Christiansen | Touch me, touch me gently | 120.000 |
| Rógvi Rasmussen | Tað, ið hjartað sær, gloymist ei | 100.000 |
| Gudmund Helmsdal | Trøllabeiggi | 100.000 |
| Alda M. Magnussen | Ábyrgd | 67.400 |
| Kykmyndir ÍVF | Fjørður | 48.000 |
| Johan Rimestad | Heini & Vivion | 80.000 |
| Hanus Johannesen | Snildir menn | 80.000 |
| Theresa Jákupsdóttir | Verkir | 60.000 |
| Andrias Høgenni | Brúðarvalsur | 75.000 |
| Atli Brix Kamban | Storkur | 72.000 |
| Eir í Ólavsstovu | Havið - Taradrotningin | 65.000 |
| Esther á Fjallinum | Við fyrsta eygnabrá | 59.000 |
| BlueBird Film | Mannabørn | 50.000 |
| Julia í Kálvalíð | Omman | 25.000 |
| Maria Tórgarð | Living Room / Góðastova | 25.000 |
| Árni Nicolajsen | Vísindamaður við seiðakikara | 20.000 |
| Havnar Sjónleikarfelag | Illir Andar | 5.000 |
