Føroyameistararnir skulu finnast seinnapartin

Føroyameistararnir skulu finnast seinnapartin
Seinnu FM-finalurnar í landskappingini í flogbólti verða spældar seinnapartin, og Mjølnir hjá monnum og Fleyr hjá kvinnum hava góð kort á hondini
Mjølnir og Fleyr spæla klokkan 15.00
 
20.04.2019 - 13:56

Seinnu FM-finalurnar í flogbólti verða spældar í høllini á Hálsi seinnapartin í dag.

Menninir leggja fyri. Dysturin millum Mjølnir og Fleyr byrjar klokkan 15.00, meðan kvinnudysturin millum Fleyr og SÍ byrjar klokkan 17.00.

Báðar finalurnar vera stroymdar á heimasíðuni hjá Kringvarpinum.

Hjá kvinnunum hevur Fleyr besta møguleikan at gerast føroyameistari eftir at fyrru finalurnar vóru leiktar á Hálsi seinnapartin skírisdag.

Tá vann Havnaliðið 3-2 á SÍ í einum drúgvum og spennandi dysti.

SÍ vann fyrsta og triðja sett, meðan Fleyr vann annað og fjórða. Tí mátti fimta og avgerandi settið takast í brúk. Tað vann Fleyr, sum tí eisini vann dystin 3-2. 

Hjá monnum hevur Mjølnir bestu kortini á hondini til at gerast føroyameistarar.

Skírisdag vann Mjølnir fyrru finaluna ímóti Fleyr við trimum settum móti einum.

Er kopiera
Nýggjastu sendingar í ÚV
Nýggjastu sendingar í SV
Mikudag 15. januar
Veðrið
186323
Týsdag 14. januar
Dagur og vika við 3-2 - teknmálstulkað
186275
Mánadag 13. januar
Við Gutta á fjalli - teknmálstulkað
186212
Mánadag 13. januar
Bragdið í Berlin
186209
Mánadag 13. januar
Hansina - teknmálstulkað
186205

Meira um sama evni