Útbjóðingin samtykt

Økið, sum ætlanin er at bjóða út, er 9.418 ferkilometrar til støddar. Økið er í Hetlandsrennuni, fram við bretska markinum. 

Vinnumálaráðið heldur, at tað er ein fyrimunur at bjóða øki út føroysku megin markið, samstundis sum bretskir myndugleikar bjóða øki út bretsku megin markið. 

25 atkvøður fyri, eingin ímóti

Meirilutin í vinnunevndini, Bjørt Samuelsen, Jørgen Niclasen, Bjarni Hammer, Ingolf S. Olsen og Jákup Mikkelsen, tók undir við uppskotinum.

Minnilutin, Jógvan Skorheim, segði, at treytirnar um royalty eiga framvegis at verða í gildi, og hann mælti tinginum til at fella uppskotið.

Tá atkvøtt varð við aðru viðgerð, varð uppskotið samtykt við 25 atkvøðum fyri og ongari ímóti. Ein atkvøða var blonk. Málið skal hava eina viðgerð í tinginum aftrat.