Innbrot hjá Morata meðan Spania og Føroyar spældu

10.06.2019 - 14:58
ÍtrótturFótbóltur
Innbrot hjá Morata meðan Spania og Føroyar spældu
Meðan Spania og Føroyar spældu á Tórsvølli fríggjakvøldið, brutu tjóvar inn í húsini hjá spanska landsliðsleikaranum honum í Spania
 

Meðan Chelsea-spælarin, Alvaro Morata, fríggjakvøldið stríddist á Tórsvølli í HM-undankappingar-dystinum millum Spania og Føroyar, gjørdu tjóvar sær dælt og brutu inn í húsini hjá Morata í Spania.

Spanska løgreglan sigur við fjølmiðlar, at vápnaðir ránsmenn brutur inn í húsini, sum standa í ríkmannaøkinum La Moraleja, norðan fyri Madrid. Hildið verður, at teir eru komnir inn í húsini gjøgndum eitt loftsvindeyga.

Italska kona Morata, Alice Campello, og tvíburðasynir teirra, vóru í húsinum, tá brotið var inn. Tjóvarnir tóku prýðislutir og dýr armbandsur við sær. 

Morata fekk boðini um innbrotið eftir dystin, sum Spania vann 4-1. Morata hevði onga viðmerking um innbrotið.

Er kopiera
Nýggjastu sendingar í ÚV
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573