Nógv bíða leingi eftir serlækna í Føroyum

Í Danmark er lógarásetta skipanininm at í mesta lagi 30 dagar skulu ganga frá tí, at sjúkan er staðfest til viðgerðin byrjar. Er talan um krabbamein ella ávísar hjartasjúkur, er bíðitíðin í mesta lagi 14 dagar.

Sirið Stenberg, landsstýriskvinna, hevur svarað Jenisi av Rana, løgtingsmanni, ið spurdi um bíðitíðirnar í Sjúkrahúsverkinum í Føroyum.

Sjúkrahúsverkið hevur kannað, hvussu leingi var at bíða eftir at sleppa til serlækna í 2018, svarar Sirið Stenberg.

Rættiliga fá sleppa framat, áðrenn 30 dagar eru farnir. Ikki er óvanligt, at fólk bíða í hálvt ár eftir tíð hjá serlækna. Helvtin bíðaði til dømis longri enn hálvt ár eftir giktalækna í fjør.