Grønland hevur hækkað sína egnu makrelkvotu

Grønland hevur - eins og Ísland - hækkað sína makrelkvotu.

Grønland vísir á, at ICES fyrr í ár endurskoðaði heildarkvotuna, og út frá tí hava grønlendingar hækkað sín part við 10.500 tonsum til góð 70.000 tons.

Ísland hevur eisini avgjørt at hækka sína makrelkvotu.

Partur Íslands verður av veruliga fiskiskapinum

Ísland hevur fiskað 16,5 prosent av heildarkvotuni uppá 770.000 tons, men íslendingar siga nú, at veruligi fiskiskapurin er 850.000 tons, og tað er hetta tal, partur Íslands skal roknast av.

Føroyar, Noreg og ES hava eina sínámillum avtalu um makrel-fiskiskapin, sum hvørki Ísland ella Grønland eru partur av.

Fyrr í vikuni segði Høgni Hoydal, landsstýrismaður, at stig íslendinga, at áseta sær hægri kvotu, er ørkymlandi.