– Grindin ring at fáast við

– Grindin er ikki hildin til enn, hon er ring at reka. Ætlanin var, at fáa grindina á Kollafjørð ella til Sundalagið. Tað sigur Finnbogi Midjord, sýslumaður.

Tá útvarpið tosaði við Finnboga Midjord í tíðindasendingini klokkan 12:20, vóru bátarnir, ið reka grindina, komnir norður ímóti Hósvíksleitinum.

Grindin er ikki stór, einar 20-30 hvalir, verður mett. Grindin verður helst býtt í drápspartar, sigur sýslumaðurin við útvarpið.