Nýggj krøv til køliskipanir

02.08.2019 - 13:05
AktueltUmhvørvi
Nýggj krøv til køliskipanir
Nýggj krøv kunnu vera á veg til føroysk fiskiskip, ið hava frystilast ella aðra køliskipanir
 

Tað er veðurlagsbólkutin, sum fyri kortum lat sítt tilmæli til nýggjan veðurlagspolitikk, sum mælir til herdu krøvini. Nýtslan av sonevndum F-gassi, serliga HFC gassi, er økt munandi seinnu árini.

F-gass eru sera sterk vakstrarhúsgass, sum hava fleiri túsund ferðir so stórt upphitingarevni sum CO2. Hesi verða serliga nýtt í køliskipanum umborð á skipum, men eisini í hitapumpum og øðrum.

Einki avgjald í Føroyum

Í 2017 stavaðu seks prosent av samlaða útlátinum av vakstrarhúsgassi í CO2 eindum frá F-gassi. Grannalondini hava ásett eitt høgt umhvørvisgjald á F-gass, millum umleið 500 og 2.000 kr./kg. Men einki slíkt avgjald er í Føroyum.

Bólkurin mælir í uppskotinum til veðurlagspolitikk til, at áseta eitt umhvørvisgjald á F-gass fyri at eggja reiðaríum til at skifta. Hetta hevði eisini verið í samsvari við Kigali avtaluna, sum Føroyar nýliga hava tikið undir við.

Sambært avtaluni hava ídnaðarlondini bundið seg til at skerja nýtsluna av F-gassi við 85 prosentum í 2036. Nøkur føroysk fiskiskip hava skift til umhvørvisvinarligari kølievni.

 
Nýggjastu sendingar í ÚV
Mánadag 13. juli
Góðan morgun Føroyar 13.07.2020
111313
Sunnudag 12. juli
Frá stríðsárunum (2:15)
110842
Sunnudag 12. juli
Etos: Hví skulu vit hava etikk?
110676
Sunnudag 12. juli
Guðstænasta í Kollafjarðar kirkju
111294
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281