Fyrstu spurningar í valskeiði og tingsetu komnir

Fyrstu spurningar í valskeiði og tingsetu komnir
Fyrstu grein 52a fyrispurningarnir í hesari tingsetuni og í hesum valskeiðinum eru komnir
Fyrstu grein 52a spurningarnir eru komnir
 
02.10.2019 - 12:55

Báðir eru frá nýggjum tingmonnum, báðir eru til Jørgen Niclasen, landsstýrismann, og báðir eru um samferðslu. 

Steffan Klein Poulsen í Miðflokkinum spyr um tunlarnar norður um Fjall. Jóhannis Joensen í Javnaðarflokkinum spyr um bussleiðina millum Vágar og Havnina.

Steffan Klein Poulsen spyr, nær farið verður undir at bora norður um Fjall, og hvussu tunlarnir skulu fíggjast.

Jóhannis Joensen spyr, um Jørgen Niclasen fer at tryggja, at ferðaætlanin hjá Bygdaleiðum verður broytt, so næmingar, sum ganga í Glasi og búgva í Vágum, smidliga sleppa til og frá skúla.

Hann spyr eisini, um landsstýrismaðurin fer at endurskoða ferðaætlanina millum Vágar og Havnina við atliti at ferðing til arbeiðis og frá arbeiði.

Grein 52a

Grein 52a fyrispurningar sipa til grein 52 í tingskipanini. Tingfólk kunnu seta løgmanni og landsstýrisfólkum skrivligar spurningar, sum ikki eru settir á annan hátt, um almenn viðurskifti.

Svarast skal í seinasta lagi 10 yrkadagar eftir, at spurningurin er latin inn. 

Løgmaður og landsstýrisfólk kunnu eisini, við skrivligari grundgeving, boða frá, at spurningur ikki verður svaraður. Í farnu tingsetu vóru 88 grein 52a fyrispurningar.

Er kopiera
Nýggjastu sendingar í ÚV
Hósdag 25. apríl
RagnarRokk Blaze Bayley um Circle Of Stone
173542
Hósdag 25. apríl
Jazzofonin - Flaggdagin 25 apr 2024
174208
Hósdag 25. apríl
Morgunlestur hósdagur 25. apríl 2024
173997
Mikudag 24. apríl
Skratsj 24. apríl 2024
174183
Nýggjastu sendingar í SV
Hósdag 25. apríl
Closed for Maintenance - á fimta sinni
174178
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012