Mótmælini í Hong Kong halda fram

Mótmælini í Hong Kong halda fram
Aftur í dag brustu mótmælisfólk og løgreglan saman í Hong Kong, og mótmælini gerast ógvusligari og ógvusligari
 
13.10.2019 - 16:56

Fólk savnaðust aftur í Hong Kong í dag at mótmæla. Mótmælisfólkini og løgreglan brustu saman ymsa staðni í býnum í dag og inni í handilsmiðstøðini, New Town Plaza. Tað skrivar tíðindastovan Reuters.

Mótmælini byrjaðu friðarliga á middegi lokala tíð, men síðani eru fleiri fólk løgd afturat gjøgnum dagin, og mótmælisfólkini hava avbyrgt vegir, metro støðir og gjørt herverk á handlar. 

Løgreglan sigur, at mótmælisfólkini hava kastað múrsteinar og bensinbumbur eftir løgregluni. Løgreglan hevur handtikið nøkur fólk og brúkt táragass.

Fólk, sum vóru til handils gjørdust bangin, tá løgreglan brast inn í handilsmiðstøðina í dag, og nøkur komu til skaða.

Fólkini í handilsmiðstøðini stuðlaðu mótmælisfólkunum, og fleiri og fleiri venda sær í móti løgregluni, tí tey halda, at hon er ov ógvuslig í handfaringini av mótmælisfólkunum.

Tey siga, at Hong Kong líkist einum løgreglustati, har løgreglan nýtir sítt vald til at kúga íbúgvarnar.

Mótmælini byrjaðu fyri fleiri mánaðum síðani og snúgva seg nú um demokrati og sosialan ójavna.

Hong Kong hevur afturgongd orsakað av mótmælunum, serliga ferðavinnan og smásøla ávirkast av tí.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592