Grønlendingar ónøgdir við makrelbýtið

Grønlendingar ónøgdir við makrelbýtið
Grønland vil vera partur av makrelavtaluni
 
27.10.2019 - 17:45

Fyrr í mánaðinum skrivaðu Føroyar, ES og Noreg undir eina makrelavtalu, og at mest loyvda veiða skuldi vera 922 túsund tons í 2020, harav tann føroyski parturin er 116 túsund tons.

Ísland, Russland og Grønland eru ikki við í avtaluni, men hava frá hinum londunum fingið 15,4 prosent at býta sínaámillum.

Men nú gera grønlendingar vart við sína ónøgd, tí teir meta seg ikki hava fingið nakað yvirhøvur, tá Grønland ikki hevur skrivað undir nakra avtalu.

- Grønland hevur jú einki fingið, tí vit eru ikki partur av avtaluni. Man kann ikki siga, at teir hava givið okkum nakað, men hinvegin hava Føroyar, ES og Noreg bara býtt rovið millum sín, sigur Henrik Leth, nevndarformaður í Polar Seafood, við blaðið Sermitsiaq.

Støðan var tann sama í fjør, og tá ásettu Grønland og Ísland sínar egnu kvotur fyri 2019 til ávíkavist 70 og 140 túsund tons.

Fiskiskapurin eftir makreli í grønlendskum sjógvi hevur tó ikki verið serliga góður í ár. Av kvotuni upp á 70 túsund tons, sum Grønland gav sær sjálvum, hava skipini bara fiskað á leið 30.000 tons. Av hesum fiskaðu skipini bara millum 6 og 7 túsund tons í grønlendskum sjógv.

Við Sermitsiaq sigur Henrik Leth, at hann vónar at grønlendska tingið aftur í ár samtykkir eina kvotu fyri komandi ár, sum skipini kunnu fiska í egnum og altjóða sjógvi.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470