Kanning: Fimti hvør roykir

Ongantíð hava so fá roykt í Føroyum sum í dag, vísir kanning, sum Gallup Føroyar hevur gjørt fyri Fólkaheilusráðið.

19 % av vaksnu føroyingunum roykja dagliga, og tað er tað lægsta síðani 2002, tá Fólkaheilsuráðið fór undir slíkar kanningar.

Hesaferð eru 531 tilvildarliga útvaldir føroyingar spurdir í tíðarskeiðnum 23. august til 13. september.

Talið á roykjarum hevur verið støðugt lækkandi hesi 17 árini, sigur Fólkaheilsuráðið í skrivi.

Munurin millum kynini er eisini minni. 21 % av monnunum roykja, meðan kvinnuligi roykjararnir telja 17 %, sambært kanningini.

Gallup hevur eisini spurt um vekt og rørslu. Øll kanningin kann lesast her